Шүүгч, шүүхийн байгууллагын ажилтнуудын сургалтын нэгдсэн хөтөлбөр, төлөвлөгөөний дагуу шинээр томилогдсон шүүгч нарт зориулсан анхан шатны сургалтыг Шүүхийн  Ерөнхий зөвлөл, Хууль зүйн үндэсний хүрээлэнтэй хамтран Хууль зүйн үндэсний хүрээлэн дээр зохион байгуулна.
Энэхүү сургалт 2009 оны 10 дугаар сарын 12-ноос 11 дүгээр сарын 07-ны өдрийг хүртлэх хугацаанд 2 ээлжээр /1 дүгээр ээлж 2009.10.12-10.23, 2 дугаар ээлж 2009.10.26-11.06/ явагдана.
Сургалтанд дүүргийн болон орон нутгийн шинээр томилогдсон 56 шүүгч хамрагдана.

Шүүхийн Ерөнхий зөвлөлийн ажлын алба

1. “Монгол Улсын шүүхийн шүүгч, Ерөнхий шүүгчид нэр дэвшигчийг сонгон шалгаруулах журам”-ын 2.3, 2.4, 2.5 дахь хэсэгт заасныг тус тус үндэслэн аймгийн шүүхийн Ерөнхий шүүгч, аймаг, аймгийн захиргааны хэргийн болон дүүргийн шүүхийн шүүгчийн нийт 9 орон тоонд сонгон шалгаруулалт зарлаж байна.
Үүнд:
1/ Архангай аймгийн шүүхийн Ерөнхий шүүгч;
2/ Дундговь аймгийн шүүхийн Ерөнхий шүүгч;
3/ Сүхбаатар аймгийн шүүхийн шүүгч, Ерөнхий шүүгч;
4/ Дархан-Уул аймгийн шүүхэд 1 шүүгч;
5/ Дорноговь аймгийн шүүхэд 1 шүүгч;
6/ Дорнод аймгийн шүүхэд 1 шүүгч;
7/ Завхан аймгийн шүүхэд 1 шүүгч;
8/ Архангай аймгийн захиргааны хэргийн шүүхэд 1 шүүгч;
9/ Нийслэлийн Багануур дүүргийн шүүхэд 1 шүүгч;

2. Шүүгч, Ерөнхий шүүгчийн сонгон шалгаруулалтын нэр дэвшүүлэх, бүртгэх ажиллагаа 2009 оны 8 дугаар сарын 11-ний өдрөөс 2009 оны 8 дугаар сарын 31-ний өдрийг дуусталх хугацаанд явагдах тул нэр дэвшигчид баримт бичгээ тухайн шүүхийн Тамгын хэлтэст дурдсан хугацаанд багтаан ирүүлнэ үү.

3. Нэр дэвшигчдээс 2009 оны 9 дүгээр сарын 11-ний өдрийн 10.00 цагт Улсын Дээд шүүх дээр Мэргэшлийн хорооны танхимд шалгалт авна.

Сонгон шалгаруулалттай холбоотой асуудлыг Шүүхийн Ерөнхий зөвлөлийн 92007726, 263314 дугаарын утсаар тодруулна уу.

Монгол Улсын Ерөнхийлөгчийн 2009 оны 7 дугаар сарын 21-ний өдрийн 53 дугаар зарлигаар өөрөө хүсэлт гаргасан тул Шагдаргомбын Төмөрбаатарыг Дундговь аймгийн шүүхийн Ерөнхий шүүгчийн, Төмөрбаатарын Оюунхандыг Архангай аймгийн захиргааны хэргийн шүүхийн шүүгчийн, Далайн Энхбаатарыг Нийслэлийн Багануур дүүргийн шүүхийн шүүгчийн, тэтгэвэр тогтоолгох насанд хүрсэн тул Сугарын Өлзийсайханыг Сүхбаатар аймгийн шүүхийн шүүгч, Ерөнхий шүүгчийн, Базаргүрийн Нүрзэдмааг Дархан-Уул аймгийн шүүхийн шүүгчийн, Балдангийн Загдхорлоог Дорнод аймгийн шүүхийн шүүгчийн албан тушаалаас тус тус чөлөөллөө.

2009 оны 7 дугаар сарын 31-ний өдрийн 60 дугаар зарлигаар Дансрангийн Бавууг Увс аймгийн шүүхийн Ерөнхий шүүгчийн  албан тушаалд улируулан томиллоо.

Монгол Улсын Үндсэн хуулийн дагуу шүүх эрх мэдлийг хэрэгжүүлэгч бие даасан нэг засаглалын үйл ажиллагааг хэрэгжүүлэхэд голлон оролцогч шүүх, прокурор, өмгөөлөх байгууллагад ажиллаж буй эрхэм хуулъчдаа.
Өнгөрсөн дөрвөн жилийн хугацаанд ард түмнийхээ итгэлийг хүлээж Монгол Улсын Ерөнхийлөгчийн нэр төртэй, өндөр хариуцлагатай албанд сонгогдон ажиллахдаа Та бүхний ажлын онцлог, хүндрэл бэрхшээлийг мэдэж, мэдэрч ирсний хувьд шүүх эрх мэдлийн байгууллагын эрх зүйн орчныг боловсронгуй болгох, албан хаагчдын ажиллах нөхцөл бололцоог сайжруулах, нийгмийн хамгааллын асуудлыг шийдвэрлэх талаар онцгойлон анхаарал тавьж ирснийг тэмдэглэхэд таатай байна.
Шүүх эрх мэдлийг хэрэгжүүлэгч байгууллагын албан хаагчид Та бүхний нийгмийи харилцаанд шударга ёсыг тогтоох, үнэн, худлын дэнсийг тэнцүүлэхээр төрийн нэрийн өмнөөс гаргасан шийдвэр бүхэн танъ хууль ёсыг тогтоох, хүний эрх, эрх чөлөөг хангахад чухал ач холбогдолтой билээ.
Иргэдийн хуулъ ёсны ашиг сонирхолыг хамгаалах, зөрчигдсөн эрхийг сэргээн тогтоох, нийгмийн бүх хүрээнд хуулийн хэрэгжилтийг хангаж, хамгаалах нъ шударга ёсыг тогтоох ариун үйл хэрэг гэдгийг иргэд, олон түмэн маань улам бүр гүн гүнзгий ойлгодог болж байгаа нь сайшаалтай.
Монгол Улсын иргэн хөрөнгө чинээ, үзэл бодол, албан тушаалаас үл хамааран зөвхөн хуулъд заасан үндэслэлээр хариуцлага хүлээдэг, хэнийг ч шүүхээс гэм буруутайг нъ тогтоохоос өмнө гэм буруутайд тооцохгүй байх зарчмыг хэлбэрэлтгүй даган мөрдөж байх нь төрийн хуулийг сахиулах үүрэг бүхий хуулъч Та бүхний үйл ажиллагааны шалгуур үзүүлэлm болно.
Шүүх эрх мэдлийн байгууллагуудын өнөөдрийн үйл ажиллагаанд дуmагдалтай, алдаатай зүйл бий. Гэхдээ эрх зүйн шинэчлэлийн хүрээнд засаж залруулсан, сайжруулж боловсронгуй болгосон, шинэчилж өөрчилсөн, үйл ажиллагааны, ахуй хангамжийн, ажиллах нөхцлийн, сэтгэл зүйн, хүний нөөцийн, оюуны ахиц дэвшил ч мөн адил байгааг тэмдэглэх нь зүйтэй.
Үнэн үгийг гашуун боловч хүлээн авч, худал гүтгэлгийг хат гарган тэвчиж, авах гээхийн ухаанаар, төрийн хүний голч мэргэн оюунаар тунгаан байж ажлаа сайжруулж, хариуцлагаа дээшлүүлж, төр, ард түмнээс олгосон эрхэм хүндтэй үүргээ нэр төртэй биелүүлж ажиллахыг хичээгтүн.
Төрийн тэргүүний хувьд шүүх эрх мэдлийн байгууллагатай харьцахдаа Монгол Улсын Үндсэн хуулъд захирагдаж, тэдгээрийн бие даасан, хараат бус байдалд нөлөөлөх хуулъ бус аливаа ажиллагаа явуулж байгаагүй тул төрийн уг залгамж чанарыг Монгол Улсын дараа дараагийн Ерөнхийлөгч чандлан баримтлана гэдэгт эргэлзэхгүй байна.

2009 оны 6 дугаар сарын 17

МОНГОЛ УЛСЫН ЕРӨНХИЙЛӨГЧ         НАМБАРЫН ЭНХБАР